ចោរ៤នាក់កាំភ្លើង៤ដើម គ្រាប់បែក៤គ្រាប់ ដេញបាញ់ប្លន់អាជីវករលក់មាសដល់ក្នុងផ្ទះ ស្លាប់២ របួស២
ដោយ ៖កោះសន្តិភាព( យិន ពិសិដ្ឋ)
ថ្ងៃចន្ទ ទី១០ ខែកញ្ញា ឆ្នាំ២០១២ ម៉ោង ២២:០១
ចោរ៤នាក់ត្រូវបានគេអះអាងថាប្រដាប់ដោយកាំភ្លើង៤ដើម គ្រាប់បែកក្រឡាទាប៤គ្រាប់ ដេញបាញ់ប្លន់អាជីវករលក់មាស២នាក់ប្ដី-ប្រពន្ធ បណ្ដាលឱ្យមានការប្រវាយប្រតប់គ្នាជាមួយសាច់ញាតិជនរងគ្រោះ ដោយពួកចោរបាញ់សាច់ញាតិជនរងគ្រោះឱ្យរងរបួសធ្ងន់២នាក់ បុន្តែប្រជាពលរដ្ឋបានវាយសម្លាប់ពួក ចោរឱ្យងាប់២នាក់តបវិញខណៈពើបប្រទះជាមួយប៉ួលិស ហើយប៉ូលិសបានបាញ់ជនទុច្ចរិតទាំងនោះឱ្យរបួស២នាក់ក្នុងចំណោម៤នាក់។
ហេតុការណ៍ដែលកើតឡើងញឹកញាប់នេះ បានបង្កឱ្យមានការភ្ញាក់ផ្អើលកាលពីវេលាម៉ោង៧និង២០នាទី ថ្ងៃទី១០ កញ្ញា ២០១២ នៅក្នុងផ្ទះជនរងគ្រោះស្ថិតក្នុងភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ ដោយពួកចោរដេញតាមតាំងពីផ្សាររហូតកមដល់ក្នុងផ្ទះ បន្ទាប់ពីជនរងគ្រោះរៀបចំប្រមូលអីវ៉ាន់គ្រឿងអលង្ការចេញពីតូបលក់ធ្វើដំណើរទៅកាន់លំនៅឋាន។ ព័ត៌មានបន្ថែមនឹងផ្សាយជូននៅពេលក្រោយ។កោះសន្តិភាព.......
Subscribe to:
Post Comments (Atom)
0 comments:
Post a Comment