ដោយ ៖ សារព៌ត័មាននគរវត្ត (ស្ឥាងជ័យ ថ្ងៃទី 10 កញ្ញា 2012ម៉ោង 18:31:04)
ខេត្ដកណ្ដាល ៖ បុរសវ័យចំណាស់ម្នាក់បានសម្រេចធ្វើអត្ដឃាតដោយលួច យកគ្រាប់បែកមកឱបនឹងដើមទ្រូងបំផ្ទុះសម្លាប់ខ្លួន ខណៈដែលតូចចិត្ដមានជំងឺ ទឹកនោមផ្អែមព្យាបាលមិនជា ហើយត្រូវគ្រូពេទ្យកាត់ជើងដាច់មួយចំហៀង ។
.jpg)
ហេតុការណ៍នេះកើតឡើងនៅវេលា ម៉ោង២និង៣០នាទីរសៀល ថ្ងៃទី១០ ខែកញ្ញា ឆ្នាំ២០១២ នៅក្នុងដីឡូត៍ក្រោយ ផ្ទះរបស់ខ្លួន ស្ថិតនៅក្នុងភូមិ-ឃុំលំហាច ស្រុកអង្គស្នួល ខេត្ដកណ្ដាល មានកូន៦នាក់ (ស្រីម្នាក់) ។
ជនរងគ្រោះត្រូវបានគេស្គាល់ថា ឈ្មោះ គិត គិន ភេទប្រុស អាយុ៦០ឆ្នាំ អតីតយោធា មានទីលំនៅកើតហេតុ ខាងលើមានជំងឺទឹកនោមផ្អែម៤ឆ្នាំមក ហើយ តែព្យាបាលមិនជា ។
ប្រភពព័ត៌មានពីនគរបាលស្រុកអង្គស្នួលបានឱ្យដឹងថា នៅមុនពេលកើតហេតុ ជនរងគ្រោះធ្លាប់គ្រោះថ្នាក់ចរាចរណ៍បាក់ជើងម្ខាងរួចទៅហើយ លុះ ក្រោយមកមានគ្រោះថ្នាក់ចរាចរណ៍ម្ដង ទៀត គួបផ្សំនឹងកើតមានជំងឺទឹកនោម ផ្អែមយ៉ាងធ្ងន់ធ្ងរព្យាបាលមិនជា ព្រម ទាំងមានដំបៅជើងថែមទៀតផងនោះ គ្រូពេទ្យតម្រូវឱ្យកាត់ជើងឆ្វេងត្រឹមភ្លៅ ព្រមទាំងឱ្យនោមតាមទុយោធ្វើឱ្យអាការ ជំងឺកាន់តែយ៉ាប់ទៅៗ ដោយទៅណាមក ណាជិះតែលើរទេះរុញ ពិបាកដល់កូនចៅណាស់ ។
លុះដល់ថ្ងៃទី៨ ខែកញ្ញា ឆ្នាំ២០១២ ខណៈដែលប្រពន្ធកូនមិននៅផ្ទះ ស្រាប់តែជនរងគ្រោះបានយកគ្រាប់បែកមួយ គ្រាប់ដែលគេមិនដឹងថា គាត់លាក់ទុក តាំងពីពេលណាយកទៅបំផ្ទុះសម្លាប់ខ្លួន ឯងនៅក្រោយផ្ទះដោយគ្មាននរណាដឹង ឡើយ។ បន្ទាប់ពីឮស្នូរសំឡេងផ្ទុះកក្រើក ក្នុងភូមិ សមត្ថកិច្ចមូលដ្ឋានបាននាំគ្នា ចុះទៅដល់កន្លែងកើតហេតុ ស្រាប់តែ ឃើញជនរងគ្រោះដេកស្លាប់ងើយ.កលើរទេះរុញធ្លាយពោះវៀនមួយទ្រេល មើល ទៅគួរឱ្យអាណោចអាធ័មណាស់ ។
បន្ទាប់មក នគរបាលខេត្ដកណ្ដាល បានចុះទៅធ្វើកោលស្យវិច័យឃើញថា ជនរងគ្រោះពិតជាស្លាប់ដោយការធ្វើ អត្ដឃាតយកគ្រាប់បែកឱបផ្ទប់នឹងពោះ បណ្ដាលឱ្យផ្ទុះស្លាប់ប្រាកដមែន ។ បច្ចុប្បន្ន សពជនរងគ្រោះត្រូវបានសមត្ថកិច្ចប្រគល់ឱ្យក្រុមគ្រួសារដើម្បីយកទៅធ្វើបុណ្យតាមប្រពៃណី៕
0 comments:
Post a Comment